Vill hefnd fyrir hundinn

Fyrrverandi hundaeigandi í Danmörku vill höfða mál gegn manni sem skar hundinn hans á háls síðastliðinn laugardag.

Ameríski bolabíturinn Micki réðst þá á lítinn Terrier hund. Eigandi Terrier hundsins og vegfarendur reyndu að losa litla greyið úr kjafti Mickis. En ekkert gekk, hvað sem þeir reyndu.

Þá kom aðvífandi maður úr nágrenninu með eldhúshníf. Hann skar bolabítinn á háls. Micki hafði áður ráðist á hund og einnig kött. Eigandi hans sagði að það væri auðvitað slæmt. Engu að síður vill hann höfða skaðabótamál.

Lögreglan neitar hinsvegar að gefa upp nafn mannsins með eldhúshnífinn. Hann er sagður óttast afleiðingarnar ef hann verði nafngreindur