Ingimundur hættir

Ingimundur Friðriksson, einn þriggja bankastjóra Seðlabankans, hefur ákveðið að verða við beiðni forsætisráðherra um að láta af embætti. Tekur uppsögn hans gildi á mánudag. Samkvæmt Fréttablaðinu í dag ætlar Eiríkur Guðnason hins vegar að sitja áfram. Í bréfi sem forsætisráðherra sendi bankastjórunum þremur á mánudaginn er þess óskað að þeir láti af embætti þar sem til stendur að endurskipuleggja Seðlabankann. Eftir því sem fréttastofa kemst næst hefur Davíð Oddsson enn ekki svarað forsætisráðherra.