Rebekka á von á barni í nóvember

Rebekka María Jóhannesdóttir er aðeins 22 ára gömul en hefur gengið í gegnum miklar raunir á stuttri ævi.

Faðir hennar lést í bílslysi fyrir tveimur árum og fyrir hálfum mánuði lést móðir hennar af völdum illkynja heilaæxlis. Rebekka á von á sínu fyrsta barni í nóvember en vonast jafnframt til þess að fá forræði yfir tveimur bræðrum sínum sem eru 7 ára og tæplega 2 ára. Móðir hennar lét lögfræðing þinglýsa skjali áður en hún lést þar sem hún lét í ljós þá ósk sína að Rebekka fengi forræðið og að þeir myndu alast upp saman.

Rebekka segist bjartsýn á að það verði að veruleika en ítarlega verður rætt við Rebekku í Íslandi í dag, kl. 18.55 í kvöld.