Andri gerði nýjan samning við ÍBV - hafnaði Grindavík

Miðjumaðurinn Andri Ólafsson skrifaði í kvöld undir nýjan þriggja ára samning við ÍBV en fregnirnar eru staðfestar á heimsíðu ÍBV.

Leikmaðurinn hefur verið orðaður við mörg félög undanfarið og á vef Eyjafrétta í dag var fullyrt að Andri væri með samningsboð frá Grindavík í höndunum.

Hinn 24 ára gamli Andri er fyrirliði ÍBV og hefur verið með bestu leikmönnum liðsins undanfarin ár og er þrátt fyrir ungan aldur með leikreyndustu mönnum liðsins en hann hefur spilað 136 leiki fyrir ÍBV á síðustu átta árum og skorað í þeim leikjum 18 mörk.