Button brjálaður út í Richard Branson

Ökuþórinn Jenson Button var allt annað en sáttur með milljónamæringin Richard Branson á dögunum þegar sá síðarnefndi veitti Jessicu Michibata, kærustu Buttons, of mikla athygli.

Button hefur sigrað í tveimur fyrstu mótunum í Formúla 1 kappakstrinum. Hann ekur fyrir nýtt lið, Brawn, en fyrrnefndur Branson er einn af styrktaraðilum liðsins. Hann er eigandi Virgin flugfélagsins.

Button varð mjög reiður út í Branson í kvöldverði sem fór fram einungis degi eftir að milljarðamæringurinn ákvað að styrkja Brawn-liðið.

Heimildarmaður News of the World segir að andrúmsloftið hafi verið rafmagnað. Þá þótti Branson Button bregðast of harkalega við og var langt því frá sáttur með framgöngu og viðbrögð ökuþórsins.