Vigdís hlýtur Eldmóðsviðurkenninguna

Vigdís Finnbogadóttir, fyrrum forseti, fær í dag fyrstu alþjóðlegu Eldmóðsviðurkenninguna, the Global Passion Award, að viðstöddum um 250 manns á Hilton Nordica í Reykjavík.

Fólkið verður þar samankomið til þess að finna Eldmóðinn, á vinnustofu með Janet og Christ Attwood. Þetta kemur fram í tilkynningu frá framleiðslu- og markaðsfyrirtækinu Navia nú í morgun.

Þar segir ennfremur að Vigdís hljóti viðurkenninguna ekki einungis fyrir að hafa veirð fyrst kvenna í heiminum kosin forseti heldur ekki síður fyrir ötult og óþreytandi starf að sínum hugðarefnum sem eru verndun tungumála heimsins og störf að landgræðslumálum.

Þá segir að fyrir stuðning styrktaraðila gefist eitt hundrað atvinnulausum kostur á að sækja Eldmóðsvinnustofuna sér að kostnaðarlausu auk þess sem nemendur 10. bekkjar Ingunnarskóla í Grafarvogi fá sérstak Eldmóðspróf sem sniðið er að unglingum.