Umfjöllun: Markalaust í Garðabænum

Fyrsta markalausa jafnteflið á Stjörnuvelli í Pepsí deildinni er staðreynd eftir að Stjarnan og Keflavík léku í 90 mínútur án þess að skora.

Þrátt fyrir markaleysið var leikurinn hinn ágætasti og fjölmörg færi í leiknum. Leikurinn var rólegur framan af en þegar tíu mínútur voru til leikhlés fundu liðin taktinn og sköpuðu sér nokkur færi undir lok hálfleiksins. Keflvíkingar voru sérstaklega aðgangsharðir á þessum leikkafla.

Jafnræði var með liðunum í síðari hálfeik þó Stjarnan hafi haft yfirhöndina lengst af og skapað sér nokkur færi. Keflavík beitti skyndisóknum og fengu besta færi leiksins þegar Guðmundur Steinarsson skaut fram hjá fyrir opnu marki eftir sendingu Hólmars Arnar.

Keflavík pressaði stíft síðustu mínútur leiksins en leikmenn liðsins náðu ekki að nýta sér ákjósanlega stöðu upp við mark Stjörnunnar í uppbótartíma og markalaust jafntefli staðreynd.

Bæði lið höfðu átt í vandræðum í leikjunum á undan. Stjarnan hafði tapað þremur í röð og Keflavík tveimur. Því má segja að um kærkomið stig sé að ræða hjá báðum liðum sem þó hefðu viljað meira út úr leiknum og horfa liðin þá í færin sem fóru forgörðum.

Stjarnan-Keflavík 0-0



Stjörnuvöllur. Áhorfendur: 1.032

Dómari: Jóhannes Valgeirsson 7

Skot (á mark): 9-14 (5-4)

Varið: Bjarni 4 – Lasse 5

Aukaspyrnur: 10-15

Horn: 5-8

Rangstöður: 7-6

Stjarnan 4-5-1:

Bjarni Þórður Halldórsson 6

Bjarki Páll Eysteinsson 5

Tryggvi Sveinn Bjarnason 7

Daníel Laxdal 6

Hafsteinn Rúnar Helgason 6

Jóhann Laxdal 7

Guðni Rúnar Helgason 5

Halldór Orri Björnsson 6

Birgir Hrafn Birgisson 6

(78. Steinþór Freyr Þorsteinsson -)

Heiðar Atli Emilsson 6

Alfreð Elías Jóhannsson 5

Keflavík 4-5-1:

Lasse Jörgensen 7

Guðjón Árni Antoníusson 5

Bjarni Hólm Aðalsteinsson 6

(70. Brynjar Guðmundsson 5)

Haraldur Freyr Guðmundsson 6

Alen Sutej 6

Magnús Sverrir Þorsteinsson 6

(80. Haukur Ingi Guðnason -)

Einar Orri Einarsson 7

Jón Gunnar Eysteinsson 7 Maður leiksins

Hólmar Örn Rúnarsson 6

Símun Eiler Samuelsen 6

Guðmundur Steinarsson 6