Sunderland vill ekki lengur fá Lucas Neill - heimtar of há laun

Það verður ekkert af því að Lucas Neill spili með Sunderland í ensku úrvalsdeildinni í vetur en Steve Bruce, stjóri liðsins, sagði að viðræður hafi verið í gangi á milli félagsins og hins 31 árs gamla ástralska varnarmanns.

Lucas Neill vill víst fá 40 þúsund pund í vikulaun eða 8,3 milljónir íslenska króna sem er alltof mikið fyrir Sunderland.

„Við töluðum við leikmanninn um möguleikann á því að hann kæmi til Sunderland en það verður ekkert af því nema að kringumstæðurnar breytist," sagði Steve Bruce við staðarblaðið Sunderland Echo.