Grunaður um njósnir fyrir Ísraelsmenn

Bandarískur vísindamaður, sem starfaði á vegum stjórnvalda við ýmis leynileg verkefni tengd geimvísindum, hefur verið handtekinn og ákærður fyrir að reyna að selja manni, sem hann taldi vera ísraelskan leyniþjónustumann, leynileg gögn tengd varnarmálum Bandaríkjanna. Það var fulltrúi frá bandarísku alríkislögreglunni FBI sem setti sig í samband við vísindamanninn og þóttist vera á vegum ísraelsku leyniþjónustunnar en þá höfðu stjórnvöld orðið þess áskynja að maðurinn hafði um nokkurt skeið starfað á laun sem ráðgjafi fyrir ísraelskt hátæknifyrirtæki og þegið leynilegar greiðslur fyrir.