Stýrivaxtalækkunin allt of lítil

„Að mínu mati er þessi lækkun allt of lítil. Það eru mikil vonbrigði að þeir skyldu ekki taka stærra skref," segir Jón Steindór Valdimarsson, formaður Samtaka iðnaðarins, um þá ákvörðun Seðlabanka Íslands að lækka stýrivexti um 1%, niður í 17%.

Jón Steindór segir að þessi vaxtalækkun skipti nánast engu máli nema að þettta verði fyrsta skrefið af mörgum og mjög örum skrefum í þessa átt. Hann bendir á að bankanum gefist færi á eftir til að kynna áætlun sína um stýrivaxtalækkunarferli.

„Ef við bíðum í einn, tvo eða þrjá mánuði eftir næsta skrefi þá líst mér illa á málið," segir Jón Steindór. Jón bendir á að einkaneysla hafi hrapað, atvinnuleysi sé enn að aukast og spyr hvað menn séu að gera til að bæta ástandið.