Innlent

Hlé gert á fundi Alþingis - formenn funda með Sturlu

Sturla Böðvarsson, forseti Alþingis.
Sturla Böðvarsson, forseti Alþingis.

Sturla Böðvarsson, forseti Alþingis, ákvað að gera hlé á fundi Alþingis sem hafði þá staðið í rúma klukkustund. Formenn þingflokkanna funda nú með Sturlu um framhaldið og hvort þingfundi verði haldið áfram. Fundurinn átti að hefjast að nýju klukkan 15:13.

Rúmlega þúsund manns komu saman á Austurvelli klukkan 13 þegar þingfundur hófst að nýju eftir jólaleyfi. Lögreglan hefur verið með mikinn viðbúnað fyrir framan þinghúsið og beitt piparúða á mótmælendur.












Tengdar fréttir

Óttast mótmæli við landsfund Sjálfstæðisflokksins

Þorgerður Katrín Gunnarsdóttir, varaformaður Sjálfstæðisflokksins, telur líklegt að mótmælendur muni reyna að trufla landsfund flokksins sem haldinn verður í lok mánaðarins. Hún biður fólk um að beita ekki ofbeldi. Þetta sagði Þorgerður í viðtali við Rás 2 fyrir stundu sem sent var beint úr Alþingishúsinu.

Pattstaða í Alþingisgarðinum

Fólki hefur fjölgað á ný fyrir aftan Alþingishúsið og er lögregla að reyna að tæma garðinn. Um tíu manns sem hafa verið handteknir eru í einu horni garðsins og virðist sem lögregla sé að reyna að tæma garðinn til þess að koma þeim handteknu á brott. Að sögn fréttamanns sem er á staðnum er allt á suðupunkti í garðinum og hefur piparýða verið beitt nokkrum sinnum.

Sérsveitarmenn við þinghúsið

Lögreglan er með mikinn viðbúnað fyrir framan Alþingishúsið og hefur fjöldi sérsveitarmanna með hjálma, skyldi og kylfur verið kallaðir til. Mótmælendur framkalla mikinn hávaða, berja glugga þinghússin að utan, snjóboltum hefur verið kastað í þinghúsið og þá heyrast vörubíla þeyta flautur í útsendingu frá þingfundi sem hófst núna klukkan hálf tvö.

Piparúða beitt á mótmælendur - tíu í handjárnum

Lögreglan hefur hafist handa við að rýma Alþingisgarðinn þar sem hópur mótmælenda hafði komið sér fyrir. Að sögn fréttamanns á staðnum hefur táragasi verið beitt til þess að koma fólkinu í burtu. Þingfundur stendur enn yfir í Alþingishúsinu þrátt fyrir að lúðraþytur og köll heyrist gjörla í sjónvarpsútsendingu frá fundinum.

Kröftug mótmæli við Alþingishúsið

Rúmlega þúsund manns eru nú á Austurvelli þar sem boðað hefur verið til mótmæla þegar þingfundur hefst á ný eftir jólafrí. Lögregla strengdi borða fyrir framan húsið og upphófust stimpingar á milli lögreglu og mótmælenda sem vildu fara inn fyrir borðann. Hópur fólks hefur einnig komið sér fyrir í Alþingisgarðinum.

Mest lesið


Fleiri fréttir

Sjá meira


×

Mest lesið