Sérsveitarmenn við þinghúsið

Lögreglan er með mikinn viðbúnað fyrir framan Alþingishúsið og hefur fjöldi sérsveitarmanna með hjálma, skyldi og kylfur verið kallaðir til.

Mótmælendur framkalla mikinn hávaða, berja glugga þinghússin að utan, snjóboltum hefur verið kastað í þinghúsið og þá heyrast vörubíla þeyta flautur í útsendingu frá þingfundi sem hófst núna klukkan hálf tvö.

Rúmlega þúsund manns eru nú á Austurvelli þar sem boðað hefur verið til mótmæla. Gríðarlegur hávaði er á svæðinu enda var fólk hvatt til þess að hafa hátt og berja menn potta og pönnur í gríð og erg með tilheyrandi látum.