Óttast mótmæli við landsfund Sjálfstæðisflokksins

Þorgerður Katrín Gunnarsdóttir, varaformaður Sjálfstæðisflokksins, telur líklegt að mótmælendur muni reyna að trufla landsfund flokksins sem haldinn verður í lok mánaðarins. Hún biður fólk um að beita ekki ofbeldi. Þetta sagði Þorgerður í viðtali við Rás 2 fyrir stundu sem sent var beint úr Alþingishúsinu.

Um mótmælin sem standa yfir við þinghúsið sagði Þorgerður mikilvægt að ríkisstjórnin sendi skýr merki hver stefnan hennar sé og. Auk þess sagði Þorgerður mikilvægt að ríkisstjórn hlusti á almenning. ,,Ég held að hluta, og ég hef sagt það áður, að við höfum ekki staðið okkur nægjanlega vel í upplýsingaöflun."

Þorgerður benti á að skammt sé liðið frá bankahruninu og sagði kraftiverki næst að stjórnvöldum hafi tekist að halda grunnstoðum samfélagsins gangandi.