Hugsanlegt að Íslendingar verði ákærðir í mansalsmálinu

Ekki er loku fyrir það skotið að þeir Íslendingar sem sátu í gæsluvarðhaldi vegna mansalsmálsins svokallaða verði að lokum ákærðir af ríkissaksóknara en fulltrúi embættisins fer yfir málið eftir að lögreglan á Suðurnesjum lauk rannsókn sinni og afhenti þeim öll gögn viðvíkjandi málið. Samkvæmt yfirlögregluþjóninum Gunnari Schram þá voru öll gögn send til ríkissaksóknara í gær sem þarf svo að taka ákvörðun hverjir verða ákærðir í málinu.

Íslendingunum hefur verið sleppt úr haldi. Einn þeirra var meðal annars vinnuveitandi þeirra.

Þegar eru fimm Litháar í gæsluvarðhaldi en Héraðsdómur Reykjaness úrskurðaði þá alla í áframhaldandi varðhald til 30. desember í dag. Rannsókn lögreglunnar á Suðurnesjum hefur verið gríðarlega umfangsmikil. Upptök hennar má rekja til þess þegar nítján ára gömul litháensk stúlka kom hingað til lands í haust. Vaknaði grunur um að hún væri væri fórnalamb mansals.

Aðspurður segir Gunnar að ekki sé um fleiri fórnalömb að ræða en útilokar ekki að þau komi fram síðar.