Rutgers áfram hjá KR

Knattspyrnudeild KR hefur framlengt samning sinn við Mark Rutgers til loka næsta keppnistímabils en frá þessu er greint á heimasíðu félagsins.

Rutgers hefur þótt standa sig vel í vörninni hjá KR á tímabilinu en hann hefur alls spilað átján leiki fyrir KR í deild og bikar í sumar og skorað í þeim eitt mark.

Þá var einnig staðfest á heimasíðu KR að Prince Rajcomar hafi verið leystur undan sínum samningi. Þar kemur fram að KR meti mikils „þau heilindi og sanngirni sem Prince sýndi við þessi málalok."

Báðir eru Hollendingar en Rutgers mun halda til síns heima eftir að tímabilinu lýkur og snúa svo til baka upp úr áramótum.