Tólf leikmenn úr Pepsi-deild karla í leikbann

Aga -og úrskurðarnefnd knattspyrnusambands Íslands hittist á fundi í dag og þá voru alls tólf leikmenn úr Pepsi-deild karla dæmdir í leikbann.

Valsmenn missa þrjá leikmenn í bann, Grindavík, ÍBV og KR missa tvo leikmenn í bann en FH, Stjarnan og Þróttur einn leikmann hvert félag.

Eftirtaldir leikmenn taka út leikbann:

Bjarni Ólafur Eiríksson (Valur), Guðmundur Viðar Mete (Valur), Ian Jeffs (Valur), Scott Ramsay (Grindavík), Jósef Kristinn Jósefsson (Grindavík), Andri Ólafsson (ÍBV), Þórarinn Ingi Valdimarsson (ÍBV), Jordao Diogo (KR), Skúli Jón Friðgeirsson (KR), Davíð Þór Viðarsson (FH), Tryggvi Sveinn Bjarnason (Stjarnan), Dusan Ivkovic (Þróttur R.).