Toppslagur í 1. deildinni

Í kvöld verður toppslagur í 1. deild karla í knattspyrnu þegar að HK tekur á móti Haukum. Liðin eru í hörkubaráttu um að komast upp í Pepsi-deildina.

Bæði lið eru með 35 stig, sex stigum á eftir toppliði Selfoss. Jafntefli þýðir að spennan mun halda áfram. Ef annað liðið stendur hins vegar uppi sem sigurvegari í kvöld verður staða þess liðs afar vænleg. Þetta er fyrsti leikurinn í 20. umferð deildarinnar en umferðirnar eru alls 22.

Selfyssingar eru sömuleiðis í góðri stöðu. Ef jafntefli verða ekki úrslit leiks Hauka og HK í kvöld mun liðið aðeins þurfa eitt stig til að tryggja sér sæti í Pepsi-deildinni, annars tvö. Leikurinn er því einnig þýðingarmikill fyrir lið Selfoss.

Leikurinn hefst klukkan 18.00 og fer fram á Ásvöllum í Hafnarfirði.