Lóan nemur land í Surtsey

Starfsmenn Náttúrufræðistofnunar Íslands gengu fram á heiðlóuhreiður með fjórum eggjum í síðustu viku. Þetta er í fyrsta sinn sem lóan verpir í eynni.

Á vef stofnunarinnar kemur farm að lóan sé fyrsti vaðfuglinn sem verpir í Surtsey, en fimmtánda tegundin sem slíkt gerir. Heiðlóan lifir á smádýrum, einkum bjöllum og flugum, og er varp hennar dæmi um hve skordýralíf hefur aukist mikið í eynni með vaxandi gróðri. Þá fannst einnig grágæsahreiður og er það einnig í fyrsta sinn, þótt vitað sé að fuglinn hóf varp í eynni árið 2002. Þá rákust leiðangursmenn á hunangsflugu í fyrsta inn.- kóp