Söfnuðu fyrir sjúk börn

Jólatrjáasalan Landakot hefur fært Styrktarfélagi krabbameinssjúkra barna (SKB) hluta ágóðans af jólatrjáasölu fyrir síðustu jól, eða 200.000 krónur. Landakot hefur haft sama háttinn á undanfarin ár.

Baldur Gústafsson, sem hefur verið í forsvari fyrir jólatrjáasöluna frá árinu 2002, heimsótti skrifstofu SKB og færði Rósu Guðbjartsdóttur, formanni félagsins, söfnunarféð.

Í tilkynningu frá SKB segir að stuðningur Landakots við SKB sé félaginu mjög dýrmætur. Félagið þakkar Baldri og hans fólki innilega fyrir sitt fórnfúsa framlag.- kg