Rúnar Már genginn í raðir Valsmanna

Miðjumaðurinn Rúnar Már Sigurjónsson skrifaði í dag formlega undir þriggja ára samning við Pepsi-deildarlið Vals en hann kemur frá 1. deildarliði HK.

Rúnar er 19 ára og er uppalinn á Sauðakróki þar sem hann spilaði sína fyrstu meistaraflokksleiki með Tindastóli en hann gekk svo til liðs við HK og spilaði með liðinu í efstu deild fyrst og svo í sumar í 1. deildinni.

„Þetta er stórt skref á mínum ferli... Ég tel líklegt að ég muni spila stórt hlutverk hjá Val aðallega vegna þess að ég ætla mér það og ég er ekki kominn til að sitja á bekknum," segir Rúnar Már í viðtali á heimasíðu Vals í dag.