Daníel Laxdal: Lélegur leikur hjá okkur

Daníel Laxdal, fyrirliði Stjörnunnar, var þungur á brún eftir tapið gegn Fram enda fór Stjarnan illa að ráði sínu í leiknum. Liðið komst tvisvar yfir en tapaði samt.

„Það er náttúrlega hræðilegt að missa í tvígang niður forystu. Það var líka algjört klúður að fá á sig mark strax í byrjun síðari hálfleiks. Ég veit ekki hvað var í gangi þar en við mættum ekki tilbúnir til síðari hálfleiks," sagði Daníel svekktur.

„Mesta púðrið er ekki farið úr okkur. Þetta var lélegur leikur hjá okkur og við erum eðlilega mjög svekktir."