Grímur og sótthreinsunarsápur hafa rokið út

29. apríl 2009 23:45

Frá Mexíkó. Ekki er vitað hversu vel grímurnar virka gegn flensunni og ráðleggur sóttvarnarlæknir almenningi ekki að ganga með grímur. Mynd/AP

Andlitsgrímur og sótthreinsunarsápur hafa rokið út hér á landi eftir að fréttir af svínaflensu fóru að berast. Enginn hefur þó greinst með flensuna hér á landi en margir óttast hvað gerist ef svo fer.

Margir hafa áhyggjur af því að flensan berist hingað og hvað gerist ef svo fer. Töluvert hefur verið um að fólk hafi hringt í lækna og lyfjafræðinga til að til að leita sér upplýsinga.

Unnur Björgvinsdóttir, lyfjafræðingur hjá Lyfju, segir fólk mikið spyrja um lyf við flensunni. Þau fáist hins vegar ekki nema þeim sé ávísað af lækni. Margir kaupi sér sótthreinsisápu og andlitsgrímur í varnarskyni gegn flensunni.

Ekki er vitað hversu vel grímurnar virka gegn flensunni og ráðleggur sóttvarnarlæknir almenningi ekki að ganga með grímur. Mikið hefur einnig verið verslað af sótthreinsandi sápum en mælt er með því að fólk sem er á svæðum þar sem flensan er þvoi sér reglulega um hendurnar.

Tengdar fréttir

Bandarískir svínabændur óhressir með svínaflensu

Tom Vilsack, landbúnaðarráðherra Bandaríkjanna, hefur bænheyrt þarlenda svínabændur og farið þess á leit við stjórnvöld að nafni svínaflensunnar alræmdu verði breytt í H1N1-veiran í stað þess að kenna hana við svín.

29. apríl 2009 08:12

Barnið sem lést í Texas var frá Mexíkó

Nú er komið í ljós að barnið sem lést í Texas ríki af völdum svínaflensu var frá Mexíkó en foreldrar þess höfðu ferðast með það yfir landamærin til þess að leita læknisaðstoðar. Fyrr í dag var greint frá því að um væri að ræða fyrsta dauðsfallið í Bandaríkjunum af völdum svínaflensu. Barnið var tveggja ára gamalt.

29. apríl 2009 13:16

Ákvörðun WHO hefur ekki bein áhrif á Íslandi

Ákvörðun Alþjóða heilbrigðisstofnunin, WHO, að hækka viðbúnaðarstig í tengslum við farsóttarhættu vegna svínaflensufaraldursins hefur ekki bein áhrif hér á landi, segir Haraldur Briem sóttvarnalæknir.

29. apríl 2009 21:36

Grunur um svínaflensu á Íslandi ekki á rökum reistur

Þau sýni sem send hafa verið til rannsóknar hér á landi vegna gruns um svínaflensu, og búið er að greina, hafa reynst neikvæð og ljóst að ekki er um flensuna að ræða í þeim tilfellum.

29. apríl 2009 12:00

Svínaflensan: Tveggja ára bandarískt barn látið

Bandarísk heilbrigðisyfirvöld tilkynntu nú fyrir stundu um fyrsta dauðsfall af völdum svínaflensu í Bandaríkjunum. Um er að ræða tæplega tveggja ára barn í Texas.

29. apríl 2009 10:48

WHO íhugar að lýsa yfir næstefsta viðbúnaðarstigi

Fulltrúar Alþjóða heilbrigðismálastofnunarinnar, WHO, segjast skrefi nær því að lýsa yfir næst efsta viðbúnaðarstigi vegna svínaflensunnar. Það þýðir að ekkert lát er á útbreiðslu sjúkdómsins. Íslensk kona í Mexíkó, þar sem sjúkdómurinn greindist fyrst, segir viðbúnað í landinu mikinn en hún sé ekki á leið heim í bráð.

29. apríl 2009 18:42

Bretar panta 30 milljónir gríma

Breska heilbrigðisráðuneytið hefur pantað 30 milljónir gríma til að hylja vit fólks og verja það þannig fyrir svínaflensunni sem geisar í heiminum. Sérfræðingar hafa þó bent á að grímurnar veiti litla sem enga vörn gegn veirunni sem veldur svínaflensu.

29. apríl 2009 07:26