Áframhaldandi gæsluvarðhalds krafist yfir pólska þjófagenginu

Farið verður fram á áframhaldandi gæsluvarðhald yfir pólska þjófagenginu sem handtekið var um miðjan ágúst en núverandi gæsluvarðhald rennur út í dag. Gengið er grunað um að hafa um að hafa staðið á bak við hundruð innbrota undanfarna mánuði. Eftir handtöku fólksins snarfækkaði innbrotum á höfuðborgarsvæðinu.

Lögreglan handtók fólkið, fjóra karlmenn og eina konu, um miðjan mánuðinn. Þrír voru gripnir við innbrot en tvö til viðbótar voru handtekinn eftir að hafa reynt að koma þýfi í verð hjá skartgripasala í borginni. Í framhaldinu var fólkið úrskurðuð í gæsluvarðhald sem hefur einu sinni verið framlengt.

Ómar Smári Ármannsson, aðstoðaryfirlögregluþjónn lögreglunnar á höfuðborgarsvæðinu, segir að farið verði fram á áframhaldandi gæsluvarðhaldi yfir þremur mannanna og konunni síðar í dag. Fjórði maðurinn er vistaður á viðeigandi stofnun, að sögn Ómars.