HK upp að hlið Hauka - Skagamenn anda léttar

Þrír leikir fóru fram í 1. deild karla í kvöld. Í ljósi úrslita leikjanna er útlit fyrir að toppbaráttan verði æsispennandi á lokaspretti deildarinnar.

Haukar gerðu 2-2 jafntefli við Víkinga á heimavelli en Garðar Ingvi Geirsson skoraði jöfnunarmark þeirra undir lok leiksins. Á sama tíma vann HK 3-1 útisigur á Aftureldingu.

Liðin eru því nú jöfn í öðru sæti deildarinnar, bæði með 35 stig. Þau eru þremur stigum á eftir toppliði Selfoss sem á þar að auki leik til góða.

Farðabyggð á einnig leik til góða og er ekki langt undan, með 32 stig. Fjarðabyggð mætir einmitt Selfyssingum á morgun í afar þýðingamiklum leik.

Skagamenn unnu dýrmætan 1-0 sigur á ÍR í kvöld og eru nú með 24 stig. Liðið er þar með átta stigum frá fallsæti þegar liðið á þrjá leiki eftir og geta því stuðningsmenn liðsins farið að anda aðeins léttar.

Úrslit kvöldsins:

ÍA - ÍR 1-0

Afturelding - HK 1-3

Haukar - Víkingur 2-2

Upplýsingar um úrslit leikja fengin á fótbolta.net.