Gunnar Bragi efstur - Kristinn H. kemst ekki á blað

Gunnar Bragi Sveinsson, oddviti Framsóknarflokksins í Skagafirði, er efstur í póstkosningu flokksins í Norðvesturkjördæmi þegar búið er að telja 1250 atkvæði af 1539. Kristinn H. Gunnarsson sem nýverið gekk í Framsóknarflokkinn á nýjan leik úr Frjálslynda flokknum er ekki meðal fimm efstu.

Guðmundur Steingrímsson, blaðamaður úr Reykjavík, sem stefndi líkt og Gunnar Bragi á fyrsta sætið er í öðru sæti.

1. Gunnar Bragi Sveinsson, 646 atkvæði í 1. sæti

2. Guðmundur Steingrímsson, 522 atkvæði í 1.-2. sæti

3. Sigurgeir Sindri Sigurgeirsson, 719 atkvæði í 1.-3. sæti

4. Elín Líndal, 918 atkvæði í 1.-4. sæti

5. Halla Signý Kristjánsdóttir, 774 atkvæði í 1.-5. sæti