Margmenni á hjólreiðauppboði lögreglunnar

Það var hart slegist um hvern reiðfák á hinu árlega hjólauppboði lögreglunnar í Kópavogi í dag. Mörg hundruð manns mættu á uppboðið.

Um 150 reiðhjól voru boðin upp í dag en um er að ræða reiðhjól sem fundist hafa í óskilum og enginn hefur hirt um að sækja og það var hart slegist um hvern grip enda hægt gera góð kaup á uppboðinu og hjólin mörg hver í góðu standi.

Lögreglumenn voru að vonum ánægðir með mætinguna.

„Við vorum hræddir um að veðrið myndi trufla okkur eitthvað en það er aldeilis ekki," segir Benedikt Helgi Benediktsson lögreglufulltrúi hjá lögreglunni á höfuðborgarsvæðinu.

Er þetta meira en í fyrra?

„Já. ég hugsa það, sem mætir svona strax. Það kom svolítið dreift í fyrra."

Og hvað gerið þið fyrir peningana?

„Peningarnar renna í lögreglusjóð. Til menningamála fyrir lögreglun. íþróttafélög, lögreglukórinn, bridgefélagið og fleira svona."