Leynileg atkvæðagreiðsla um stjórnir lífeyrissjóða

Atkvæði verða greidd um tillögu Verkalýðsfélags Akraness um að launafólk yfirtaki stjórn lífeyrissjóða innan Alþýðusambands Íslands.

Vilhjálmur Birgisson, formaður félagsins, hefur sagt að atvinnurekendur eigi ekkert erindi í þessa sjóði launafólks. Hann fór fram á að atkvæði yrðu greidd um tillöguna, nú á ársfundi ASÍ. Samþykkt var nú fyrir stundu, að leynileg atkvæðagreiðsla yrði haldin um tillöguna á ársfundinum, síðar í dag.

Hátt í 300 manns sækja ársfundinn, sem er æðsta vald í málefnum Alþýðusambandsins.