Meintir brennuvargar áfram í gæsluvarðhaldi

Tveir menn sem sakaðir eru um að hafa kveikt í húsi nálægt Kleppsvegi í byrjun júní hafa verið úrskurðaðir í áframhaldandi gæsluvarðhald til 7. ágúst.

Hæstiréttur Íslands staðfesti gæsluvarðhaldskröfuna í dag.

Mönnunum er gefið að sök að hafa komið að heimili mannsins aðfaranótt þann 6. júní. Þeir eiga að hafa hellt bensíni á útidyrahurðina og kveikt í henni með þeim afleiðingum að húsið brann til kaldra kola.

Útidyrahurðin var eina fullgilda flóttaleiðin út úr húsinu samkvæmt dómsorði og því eiga mennirnir hugsanlega von á allt að sextán ára fangelsi fyrir að hafa stofnað lífi íbúa sem í húsinu var í lífshættu.

Sá maður var sofandi þegar þeir kveiktu í húsinu. Hann komst þó út án teljandi meiðsla.