106 ára gömul kona neitar að yfirgefa hjúkrunarheimili

Hundrað og sex ára gömul kona, Louisa Watts, sem er fimmta elsta kona Bretlands, berst nú gegn því að vera flutt af hjúkrunarheimili í Wolverhampton sem til stendur að loka í sparnaðarskyni. Ætlunin er að flytja hana, og aðra vistmenn, á önnur heimili og það líkar þeim ekki. Sonur Watts heldur því fram að hún muni ekki þola flutning í nýtt og framandi umhverfi. Vistmennirnir tíu sem búa á heimilinu vilja halda hópinn í stað þess að láta dreifa sér á önnur heimili og hafa fengið lögfræðing til að gæta hagsmuna sinna.