Fjölnir Þorgeirs bjargaði gæðingum

„Ísinn hrundi allt í einu niður," sagði Fjölnir Þorgeirssonar þegar blaðamaður náði tali af honum niður við Reykjavíkurtjörn eftir að sjö hestar fóru ofan í tjörnina.

Að sögn Fjölnis gaf ísinn sig óvænt á meðan hestarnir töltu í breiðfylkingu á tjörninni. Hestarnir áttu erfitt með að komast upp enda ís allt í kringum þá. Knaparnir stukku þá sjálfir ofan í til þess að freistast til þess að koma þeim á þurrt land á ný.

„Eigandi var alveg við það að gefast upp þannig ég stökk ofan í og hjálpaði til," segir hestamaðurinn Fjölnir sem sjálfur var ekki í hlutverki knapans þennan dag, heldur í gervi blaðamanns hestafretta.is

Aðspurður segir hann að þetta hafi verið basl að koma hestunum upp úr vökinni: „Þetta var mjög erfitt, algjört basl.

Fjölnir var að kasta mæðinni þegar blaðamaður náði á hann en hann var nýbúinn að fara í þurr föt.

„Ég er bara feginn að þetta fór ekki verr," sagði Fjölnir að lokum.

Ístölt hestanna var hluti af kynningu á meistaradeild hestaíþrótta sem er kostuð af VÍS.