Gæðingar á þunnum ís

Betur fór en á horfðist þegar ísinn á Tjörninni í Reykjavík brast undan gæðingum sem þar voru komnir til þess að taka þá í hestasýningu. Fram fór kynning á Meistaradeild VÍS í hestaíþróttum og stóð til að láta gæðingana tölta um ísilagða Tjörnina.

Þungi hestanna reyndist þó of mikill fyrir klakabrynjuna á Tjörninni og því fór sem fór. Ekki er vitað til þess að gæðingunum hafi orðið meint af volkinu en mikið átak þurfti til að koma þeim á þurrt.

Það tókst þó að lokum og ekki þurfti aðstoð slökkviliðsins sem mætti á staðinn stuttu eftir að allir hestarnir voru komnir upp úr.