Mótmæltu fóstureyðingum í Peking

Þrír Bandaríkjamenn voru í morgun handteknir á Torgi hins himneska friðar. Fólkið vildi mótmæla aðgerðum kínverskra stjórnvalda sem miða að því að stemma stigu við fólksfjölgun í landinu en þar mega hjón aðeins eiga eitt barn. Það leiðir til þess að fóstureyðingar eru mjög algengar í landinu. Fólkið sem er kaþólskt og mótmælandatrúar hrópaði ókvæðisorð að stjórnvöldum og sagði konur neyddar í fóstureyðingar til þess að framfylgja lögunum.

Fólkinu var sleppt að lokinni stuttri yfirheyrslu.