Minni nekt, meiri fyndni

Langþráð myndband við Eurovisjónframlag Íslands, This is my life, leit dagsins ljós á heimasíðu símafyrirtækisins Nova nú í hádeginu. Óhætt er að segja að Júróbandið rói á allt önnur mið en fyrrverandi keppinautar þeirra í Merzedes Club. Þau eru í það minnsta öllu meira klædd, hnykla vöðvana minna.

Myndbandið fjallar um Eurovisjón aðdáanda sem þenur raddböndin í afþurrkunarkúst fyrir framan tölvuna heima hjá sér. Hann tekur létt spor og bregður sér meira að segja í hlutverk Regínu Óskar. Óvæntir atburðir gerast um miðbik lagsins, þegar hann er skyndilega staddur í glamúrgallanum á sviði með átrúnaðargoðunum.

Hægt er að horfa á myndbandið hér.