Merzedes-myndband það tíunda vinsælasta á YouTube

Myndbandið við lag Merzedes Club, Meira frelsi, situr nú í tíunda sæti yfir vinsælustu tónlistamyndböndin á YouTube. Listann skreyta aðrar kanónur úr tónlistaheiminum á borð við Madonnu, Kelly Rowland og Idol keppanda eða fimm.

Ríflega þrjátíu þúsund manns hafa horft á myndbandið, sem hljómsveitarmeðlimir hafa lýst sem því kynþokkafyllsta sem gert hefur verið. Margir þeirra sem skilja eftir athugasemdir við myndbandið virðast taka undir þá fullyrðingu, en þó nokkrir benda á að myndbandið líkist helst klámútgáfu af Latabæ.

Hægt er að berja herlegheitin augum hér.