Reykjanesbraut opnuð á ný eftir bílslys - Tveir fluttir á slysadeild

Búið er að opna Reykjanesbraut til norðurs við Breiðholtsbraut að nýju eftir árekstur tveggja bifreiða skömmu fyrir klukkan 19.

Líkt og greint var frá hér á Vísi fyrr í kvöld voru tveir fluttir slysadeild eftir að tvær bifreiðar skullu saman. Ökumaður sem ók suður Reykjanesbraut missti stjórn á bifreið sinni og lenti á bifreið sem kom úr gagnstæðri átt.

Ökumennirnir voru einir í bílunum.

Ekki hefur fengist upp gefið hvort ökumennirnir séu alvarlega slasaðir. Beita þurfti klippum til að ná öðrum þeirra út úr bifreið sinni.