Innlent

Þórunn: Ekki að tefja

Umhverfisráðherra þvertekur fyrir að hún sé að tefja fyrir fyrirhuguðum álversframkvæmdum á Bakka með nýlegum úrskurði um að setja framkvæmdir þeim tengdum í sameiginlegt umhverfismat. Forsætisráðherra segir ríkisstjórnarsamstarfið ekki í hættu. Álverið muni rísa.

Umhverfisráðherra úrskurðaði í gær að sameiginlegt umhverfismat þyrfti vegna fyrirhugaðra framkvæmda við álver á Bakka og tengdum virkjunum.

Þórunn segir ekki hafa verið lagalegar forsendur til þess að gera það sama með álversframkvæmdir í Helguvík. Auk þess hafi kæra Landverndar borist of seint í því tilviki.

Geir H. Haarde forsætisráðherra segir ákvörðunina hafa komið á óvart en fara þurfi að lögum. Hann segist vona að matið tefji ekki framkvæmdir úr hófi.

Ákvörðun umhverfisráðherra hefur verið harðlega gagnrýnd úr hópi sjálfstæðismanna og einnig framsóknarmanna.




Tengdar fréttir

Segir Samfylkinguna vinna gegn hagsmunum landsmanna

Varaformaður Framsóknarflokksins segir Samfylkinguna vinna gegn hagsmunum með ákvörðun umhverfisráðherra að umhverfismat eigi að fara fram vegna fyrirhugaðs álvers á Bakka.

Þórunn: Álver á Bakka í umhverfismat

Umhverfisráðherra hefur ákveðið að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík. Skipulagsstofnun hafði ákveðið að slíkt sameiginlegt mat skyldi ekki fara fram.

Sorgmæddur yfir ákvörðun Þórunnar

Sveitarstjóri Norðurþings er ósáttur með þá ákvörðun umhverfisráðherra að heildstætt mat skuli fara fram á umhverfisáhrifum vegna fyrirhugaðs álvers á Bakka við Húsavík.

Árni: Flott hjá Þórunni

Formaður Náttúruverndarsamtaka Íslands fagnar ákvörðun umhverfisráðherra um að fyrirhuguð framkvæmd við álver á Bakka fari í umhverfismat. ,,Þetta er flott hjá henni."

Mest lesið


Fleiri fréttir

Sjá meira


×

Mest lesið