Öllu starfsfólki Ræsis sagt upp

Bílafyrirtækið Ræsir hefur sagt upp öllu starfsfólki sínu frá og með næstum mánaðarmótunum. Hátt í 60 manns hafa starfað hjá fyrirtækinu. Þetta kom fram í kvöldfréttum Ríkissjónvarpsins.

Vísir greindi frá því fyrr í vikunni að ekkert yrði af fyrirhuguðum kaupum Íshluta á Ræsi en fyrir tveimur vikum var tilkynnt að drög hefðu verið gerð um kaupinn.

Geir Zoëga, stjórnarformaður Ræsis, sagði að aðgerðirnar miði af því að bjarga fyrirtækinu frá gjaldþroti. Óábyrgt hefði verið að fara ekki í þær nú. Geir sagði að endurskipuleggja verði fyrirtækið og eru uppsagnirnar liður í því. Hann vonast til þess að sem flestir starfsmenn yrðu endurráðnir.