Akureyrarkirkja bíður upp á ókeypis lögmannaaðstoð

Akureyrarkirkja hefur ákveðið að bjóða íbúum upp á ókeypis lögmannaaðstoð í kreppunni. Hluti sóknarbarna er kvíðinn og reiður og styttist í uppgjör, segir sóknarprestur.

Akureyrarkirkja hefur gert breytingar á starfi og þjónustu vegna kreppunnar. Sérstök dagskrá verður næstu mánudagskvöld til að fólki líði betur. Og þá hefur kirkjan ákveðið að bjóða sóknarbörnum sínum upp á ókeypis lögmannaþjónustu í safnaðarheimili kirkjunnar síðdegis á mánudögum.

Sóknarpresturinn segist finna mikinn mun á hinu almenna sóknarbarni í dag eða fyrir nokkrum vikum.

Skiptar skoðanir hafa verið uppi í samfélaginu um hvort draga skuli menn til ábyrgðar nú eða síðar. Svavar segir uppgjörið óumflýjanlegt og að það eigi eftir að verða öðruvísi en öll önnur uppgjör.