Pete fær engar heimsóknir í fangelsið

Pete Doherty var hent í steininn á þriðjudag fyrir að hafa ítrekað hunsað tilmæli dómara sem dæmdu hann til áfengismeðferðar vegna ítrekaðra fíkniefnalagabrota. Rokkarinn hefur líklega búist við að vinir hans sýndu aðstæðum hans samúð, en það virðist djúpt á henni.

Samkvæmt heimildum Sun reyndi kærasta Pete, Irina Lazareanu, ítrekað að hafa samband við hans fyrrverandi, Kate Moss, til að láta hana vita af tíðindunum, en hún svaraði ekki. Irina hafði þá samband við vini fyrirsætunnar, sem höfðu einföld skilaboð: „Hún veit af þessu. Sá þetta í sjónvarpinu og gæti ekki verið meira sama."

Peta hefur þó kannski vonað að vinkona hans, ofursukkarinn Amy Winehouse sýndi meiri skilning. Svo var þó ekki. Þegar vinir söngkonunnar sögðu henni tíðindin fékk hún óstjórnlegt hláturskast. Pete hafði þá sagt vinum sínum að hann þyrfti rétt sem snöggvast að skreppa til að mæta fyrir dómara, og hafði ekki hugmynd um að hann væri á leið í fangelsi.

Meira að segja aðdáendur rokkarans er allsendis lausir við samúð. Þeir eru langt því frá hressir með það að Pete þurfi að aflýsa stærstu tónleikum lífs síns, í Royal Albert Hall þann 26. apríl næstkomandi.