Kínversk stjórnvöld hafna ásökunum um mannréttindabrot

Stjórnvöld í Kína hafna ásökunum um mannréttindabrot í aðdraganda að Ólympíuleikunum sem fara fram þar í landi í ágúst. Utanríkisráðherra Kína segir að skýrsla sem Amnesty International hefur gefið út um málið sýni að samtökin séu hlutdræg í umfjöllun sinni.

Í skýrslunni voru Kínversk stjórnvöld sökuð um að svíkja loforð sín um að auka frelsi, en mótmælendur í landinu er haldið föngum, fjölmiðlamenn eru teknir höndum og fjöldi almennra borgara eru sendir í þrælkunarbúðir.

Kínversk stjórnvöld segja að þeir sem skilji Kína séu ekki sammála Amnesty. „Ég vona að Amnesty International geti séð Kína í réttu ljósi, sem sanngjarnt og hlutlaust ríki og farið að snúa sér að einhverju uppbyggilegra," sagði Liu Jianchao, talsmaður utanríkisráðuneytisins í Kína. Hann frábað sér utanaðkomandi afskipti af málefnum Kína.