„Ég hef beðið eftir þessu lengi," segir silfurverðlaunahafinn frá Melbourne 1956, Vilhjálmur Einarsson skólameistari.

Hann fylgdist með íslenska handboltalandsliðinu tryggja sér silfurverðlauninn í dag og gladdist óskaplega. „Ég samgleðst þeim, þetta er frábær árangur," segir Vilhjálmur.

Hann horfði á leikinn á Egilsstöðum ásamt eiginkonu sinni en hyggst horfa á úrslitaleikinn með stórfjölskyldunni á Akureyri.

Vilhjálmur hefur í 52 ár verið sá íslenski íþróttamaður sem bestum árangri hefur náð á ólympíuleikum. Íslenska landsliðið í handbolta hefur nú jafnað þann árangur og á enn möguleika á að vinna fyrstu gullverðlaun Íslendinga.

Vilhjálmur mun ekki gráta það ef árangur hans verður bættur með sigri á sunnudaginn.

„Nei þvert á móti, ég mun fagna með þeim. Það mundi heldur ekki skyggja á það sem gerði í fyrndinni."