Innlent

Vinna saman að móttöku flóttafólks

MYND/Pjetur

Ingibjörg Sólrún Gísladóttir utanríkisráðherra og Jóhanna Sigurðardóttir félags- og tryggingamálaráðherra undirrituðu í dag samkomulag um samstarf við móttöku flóttafólks og fjármögnun flóttamannaverkefna á þessu og næsta ári. Fram kemur í tikynningu frá utanríkisráðuneytinu að það greiði kostnað við móttöku flóttafólks næstu tvö árin, allt að 80,25 milljónir króna í ár og 100 milljónir króna árið 2009.

Kostnaðurinn felst í þjónustu við flóttafólkið á fyrstu tólf mánuðum dvalar þess á Íslandi svo og ferðakostnaði þriggja til fjögurra manna sendinefndar sem fer hverju sinni til þess lands sem hefur veitt flóttafólki hæli og tekur viðtöl við einstaklinga og fjölskyldur sem Flóttamannastofnun Sameinuðu þjóðanna leggur til að komi til Íslands.

Félags- og tryggingamálaráðuneytið sér um framkvæmd verkefnisins og gerir samninga við það sveitarfélag sem hverju sinni tekur að sér þjónustu og aðstoð við flóttafólkið fyrsta dvalarárið. Ráðuneytið sér einnig um að gera samning við Rauða kross Íslands sem hefur umsjón með samskiptum við Flóttamannastofnun Sameinuðu þjóðanna, stuðningsfjölskyldur ofl.

Samstarf ráðuneytanna fer fram á vettvangi flóttamannanefndar.

Mest lesið


Fleiri fréttir

Sjá meira


×

Mest lesið