Seðlabankinn greinir frá einum hluta samkomulagsins við IMF

Seðlabankinn hefur sent frá sér yfirlýsingu vegna umræðunnar undanfarið um hver hafi átt hugmyndina að því að hækka stýrivexti Seðlabankans. Ráðherrar í ríkisstjórninni hafa að mati bankans „undrast" hækkunina og sumir hverjir sagt að hún hafi ekki verið eitt af skilyrðum Alþjóðagjaldeyrissjóðsins. Í rökstuðningi sínum á dögunum fyrir hækkuninni sagði bankinn að hækkunin væri hluti af því samkomulagi sem náðst hafi við IMF.

Í tilkynningu bankans segir: „Eins og kunnugt er hefur verið litið svo á að samningsgerð (Letter of Intent) á milli ríkisstjórnar Íslands og sendinefndar Alþjóðagjaldeyrissjóðsins sé enn trúnaðarmál. 19. töluliður samningssgerðarinnar er þó eðli málsins samkvæmt ekki lengur trúnaðarmál."

„Ráðherrar úr ríkisstjórn hafa undrast vaxtahækkun í 18% og hafa jafnframt sagt að ekkert ákvæði um slíka gjörð sé í samningsgerðinni," segir ennfremur í tilkynningunni og síðan er geint frá efni 19. töluliðar: „Í samningsgerðinni segir í 19. tl: "To raise the policy interest rate to 18 percent." Nítjándi töluliður mætti skrifa upp á íslensku á þennan hátt: „Að hækka stýrivexti í 18 prósent."