Mikil röskun á millilandaflugi vegna veðurs

Mikil röskun vað á millilandaflugi í gærkvöldi eftir að ófært varð á Keflavíkurflugvelli vegna ofviðris. Tveimur vélum , sem voru að koma frá meginlandi Evrópu var beint til Akureyrar og öðrum þremur til Egilsstaða, þar sem þær eru enn.

Um það bil 660 farþegar voru með vélunum og hafa þeir ýmist gist á hótelum eða hafst við í flugstöðvarbyggingunum. Vegna hvíldarákvæða áhafna halda þær ekki af stað til Keflavíkur fyrr en upp úr klukkan níu og seinkar því fyrirhugaðri brottför þeirra héðan til meginlandsins aftur um nokkrar klukkustundir.

Þá var brottför beggja vélanna frá Bandaríkjunum frestað í gærkvöldi og koma þær ekki til Keflavíkur fyr en um níuleytið. Truflanir urðu líka á innanlandsflugi undir kvöldið.