Ólafur Ragnar: Höldum þjóðhátíð

Forseti Íslands trúir ekki öðru en að þjóðin haldi þjóðhátíð um helgina í tilefni af velgengni íslenska handboltaliðsins og fullyrt hafi verið við sig að þetta muni vekja mesta athygli á Ólympíuleikunum, fyrir utan afrek einstakra manna. Forsætisráðherra segir að vel verði tekið á móti liðinu þegar það kemur heim. Haukur Holm ræddi við menn í sigurvímu í dag.

Spennan í leik Íslendinga og Spánverja í dag var gríðarleg og þegar leik lauk með sannfærandi 6 marka sigri Íslendinga flæddu tilfinningarnar af sama krafti og einkenndi leikmenn meðan á leik stóð. Íslenska liðið er með sigrinum búið að tryggja sér silfurverðlaun á Ólympíuleikunum og gullverðlaunin eru innan seilingar, en baráttan um þau verður við Frakka á sunnudagsmorgun. Íslenska liðið fékk góðan stuðning Íslendinga á áhorfendapöllunum og meðal þeirra var forseti Íslands sem átti erfitt með að lýsa líðan sinni í leikslok.

Ólafur Ragnar segir ýmsa útlendinga sem rætt hafi við sig líkt árangri

Forsætisráðherra lýðveldisins fylgdist með leiknum hérna heima. Geir er bjartsýnn fyrir úrslitaleikinn, en segir menn ekki mega vera vanþakkláta fyrir að vinna bara silfurverðlaun á Ólympíuleikum. Hann segir að vel verði tekið á móti liðinu þegar það kemur heim.

Ólafur Rafnsson, forseti Íþróttasambands Íslands, fylgdist spenntur með í Peking og segir árangurinn í dag hápunkt íslenskrar íþróttasögu.

Guðmundur Ingvarsson, formaður HSÍ, var asæll þegar Stöð 2 náði tali af honum í Peking í dag og vonast til að árangurinn verði til að bæta erfiðan fjárhag sambandsins.