Fellibylur gengur á land í Kína

Átta eru látnir og að minnsta kosti 15 er saknað á Fillipseyjum eftir að fellibylurinn Hagupit gekk þar yfir á síðasta sólarhring. Þá skemmdust yfir 800 hús á eyjunum í illviðrinu.

Bylurinn gekk á land í suðurhluta Kína í morgun og höfðu yfir 200 þúsund sjómenn verið kallaðir í land og yfir 28 þúsund manns yfirgefið heimili sín í Guandong-héraði vegna þess. Bylurinn fór nærri Hong Kong og var fólki þar ráðlagt að halda sig innan dyra á meðan versta veðrið gekk yfir.