Kanna möguleika á áburðarverksmiðju í A-Húnavatnssýslu

Að Hákjarna koma Byggðasamlag um atvinnumál í Austur-Húnavatnssýslu, Nýsköpunarmiðstöð Íslands, Saga Capital fjárfestingabanki og Ingimundur Sigfússon.

Ætlunin er að taka út hagkvæmni áburðarframleiðslu hér á landi með umhverfisvænum orkugjafa, vinna að markaðsathugunum og leita eftir erlendum samstarfsaðilum. Helstu forsendur fyrir hugmyndinni eru þær að vetni sem unnið er með rafgreiningu flokkast undir orkufrekan iðnað en forsendur hafa breyst íslenskri orku í hag í samanburði við að nota gas til framleiðslunnar.

Í stjórn Hákjarna eru Þorsteinn Sigfússon, forstjóri Nýsköpunarmiðstöðvar Íslands, sem er formaður, Adolf H. Berndsen, oddviti Sveitarfélagsins Skagastrandar, og Arnar Þór Sævarsson, bæjarstjóri á Blönduósi.

„Forathugun á málinu hefur gefið það til kynna að þetta kunni að vera fýsilegur kostur og með stofnun þessa félags er ætlað að kanna enn frekar hvort að þetta sé raunhæfur möguleiki," segir Arnar Þór Sævarsson, bæjarstjóri á Blönduósi, í samtali við Feyki