Auglýsing með Paris Hilton kemur í bakið á McCain

Auglýsing John McCain þar sem hann líkir Obama við þær Paris Hilton og Britney Spears gæti haft alvarlegar afleiðingar í för með sér fyrir McCain.

Bandarískir fjölmiðlar greina frá því að Hilton fjölskyldan sé æf af reiði út í McCain. Fjölskyldunni hafi loksins tekist að koma skikki á Paris Hilton og fá hana til að taka því rólega þegar McCain dregur hana fram í kastljósið með þessum hætti.

Hilton fjölskyldan er einn af styrktaraðilum McCain og hefur látið hann fá töluverðar fjárhæðir til baráttu sinnar en áframhaldandi stuðningur er nú til endurskoðunnar.