Slógust á skemmtistað í Eyjum

Lögreglan á Vestmannaeyjum var kölluð að skemmtistað í bænum aðfaranótt laugardagsins vegna líkamsárásar.

Þar var hafði orðið ágreiningur á milli tveggja manna sem endaði með því að annar sló hinn með þeim afleiðingum að sá er fyrir högginu varð hlaut sár af. Ekki var um alvarlega áverka að ræða.

Þá kemur einnig fram í dagbók lögreglunnar að sömu nótt hafi verið tilkynnt um eld í vörubrettum sem voru inni á svæði Sorpeyðingarstöðvar Vestmannaeyja. Slökkvilið Vestmannaeyja var kallað út og gekk vel að ráða niðurlögum eldsins. Ljóst er að eldsupptök eru af mannavöldum en engar upplýsingar liggja hins vegar fyrir um hver eða hverjir þarna voru að verki og því óskar lögreglan eftir upplýsingum um málið.