Þorsteinn Kragh í áframhaldandi þriggja vikna varðhald

Héraðsdómur Reykjavíkur féllst í morgun á þá kröfu lögreglunnar að tónleikahaldarinn Þorsteinn Kragh, sem grunaður er ásamt Hollendingi um umfangsmikið fíkniefnasmygl með Norrænu, yrði úrskurðaður í áframhaldandi gæsluvarðhald. Það er til þriggja vikna.

Verið er að taka fyrir kröfu lögreglunnar um gæsluvarðhald yfir Hollendingnum. Lögreglan lagði hald á um 190 kíló af hassi, eitt og hálft kíló af marijúana og eitt kíló af kókaíni í húsbíl Hollendingsins sem kom til landsins með Norrænu 10. júní. Hollendingurinn hefur frá þeim tíma setið í gæsluvarðahaldi. Þorsteinn var hins vegar handtekinn í byrjun júlí í tengslum við rannsókn málsins og hefur setið í gæsluvarðhaldi síðan.